غفلت و بزدلی کا مظاہرہ کرنے پر بلوچستان لیویز کے 4 اہلکار برطرف

چاغی : ڈی جی لیویز کی ہدایت پر ڈپٹی کمشنر چاغی نے بلوچستان لیویز فورس ڈسپلنری ایکٹ 2015 کے تحت اپنے اختیارات کا استعمال کرتے ہوئے 4 لیویز اہلکاروں کو برطرف کر دیا۔

سوشل میڈیا کے مطابق ان اہلکاروں کے خلاف کارروائی غلط معلومات فراہم کرنے، غفلت برتنے اور بزدلانہ عمل کا مظاہرہ کرتے ہوئے لیویز پوسٹ امین آباد پر مسلح افراد کے سامنے اپنے ہتھیار اور واکی ٹاکیز سرینڈر کرنے پر کی گئی۔

ڈائریکٹر جنرل بلوچستان لیویز فورس نے اس فیصلے کو ان اہلکاروں کی پیشہ ورانہ ذمہ داریوں میں ناکامی کی عکاسی قرار دیا اور کہا کہ ایسے اقدامات اس بات کی وضاحت کرتے ہیں کہ لیویز فورس کے اہلکاروں سے پیشہ ورانہ معیار اور امانت داری کی توقع کی جاتی ہے۔