ورلڈ کپ کوالیفائرز: ویمن کرکٹرز کا تربیتی کیمپ لاہور میں لگانے کا فیصلہ

لاہور: آئی سی سی ویمن کرکٹ ورلڈ کپ کوالیفائرز کے سلسلے میں پاکستان کی ویمن کھلاڑیوں کا 10 روزہ تربیتی کیمپ لاہور میں لگے گا، کھلاڑیوں کو آج رپورٹ کرنے کی ہدایت کی گئی ہے۔

کھلاڑی مقامی ہوٹل میں رپورٹ کرنے کے بعد جمعے سے ٹریننگ کا آغاز کریں گی، قومی کرکٹر ہیڈ کوچ محمد وسیم کی زیر نگرانی میں تربیتی کیمپ میں حصہ لیں گی، کیمپ میں خواتین کھلاڑیوں کو سکلز بڑھانے کی ٹریننگ دی جائے گی۔

کیمپ میں فنٹس کے ساتھ فیلڈنگ، باؤلنگ اور بیٹنگ کی پریکٹس کرائی جائے گی جبکہ خواتین کھلاڑیوں کے درمیان پریکٹس میچز بھی ہوں گے، ویمنز پلیئرز کا کیمپ 30 مارچ تک جاری رہے گا۔