احسن اقبال کی ایم کیو ایم رہنماﺅں کو ترقیاتی کام جلد شروع کرانے کی یقین دہانی

کراچی: متحدہ قومی موومنٹ (ایم کیو ایم) پاکستان کے تحفظات پر وفاقی وزیر احسن اقبال نے آن لائن میٹنگ کی۔

ذرائع کے حوالے سے بتایا گیا ہے کہ احسن اقبال نے سعودی عرب سے ایم کیو ایم رہنماوں سے آن لائن میٹنگ کی۔ زوم میٹنگ میں چیئرمین ایم کیو ایم پاکستان ڈاکٹر خالد مقبول صدیقی، مصطفیٰ کمال، امین الحق، جاوید حنیف اور اظہارالحسن شریک تھے۔

ذرائع کے مطابق میٹنگ میں متعلقہ ادارے کے افسران بھی شریک تھے۔ اس موقع پر کراچی اور حیدر آباد کے ترقیاتی فنڈز اور جلد کام شروع کرنے پر بات چیت ہوئی۔ ذرائع کے مطابق وفاقی وزیر نے جلد ترقیاتی کام شروع کرانے کی یقین دہانی بھی کرائی۔

واضح رہے کہ گزشتہ روز امین الحق نے مطالبات نہ ماننے کا گلہ کیا اور اپوزیشن بینچوں پر بیٹھنے پر غور کی بات کی تھی۔