جعفر ایکسپریس حملے کی تحقیقات، ہلاک دہشتگردوں کے اعضا فرانزک کے لیے بھجوادیے گئے

کوئٹہ: جعفر ایکسپریس حملے کی تحقیقات جاری ہیں اور ہلاک دہشتگردوں کے جسمانی اعضافرانزک سائنس ایجنسی کوبھی بجھوادیئے گئے۔

محکمہ انسداد دہشت گردی (سی ٹی ڈی) کے ذرائع نے بتایا کہ محکمہ دیگرقانون نافذ کرنے والوں اداروں کے ساتھ مل کر بولان کے علاقے مشکاف میں جعفرایکسپریس پردہشتگرد حملے کی تحقیقات کر رہا ہے۔

سی ٹی ڈی زرائع نے کہا کہ فورسز کی جوابی کارروائی میں میں 33حملہ آورمارے گئے تھے، مشکاف جعفرایکسپریس حملے میں 26 مسافرجاں بحق جب کہ 40 زخمی ہوئے تھے۔

سی ٹی ڈی  کا کہنا ہے کہ ہلاک دہشتگردوں کے جسمانی اعضا فرانزک سائنس ایجنسی کوبھی بجھوادیے گئے ہیں، ہلاک دہشتگردوں کی شناخت کے لیے فنگرپرنٹس نادراکو بجھوائے گئے۔

سی ٹی ڈی ذرائع نے کہا کہ ہلاک حملہ آوروں کے زیراستعمال اسلحہ وکمیونکیشن آلات قبضے میں لیکرفرانزک کروایا جارہا ہے، بہت جلد ملزمان تک پہنچ جائیں گئے۔