آزاد کشمیر میں تیز رفتار مسافر وین الٹ گئی،18 افراد زخمی

آزاد کشمیر کے شہر پلندری میں تیز رفتاری کے باعث مسافر وین الٹ گئی، حادثے میں 18 افراد زخمی ہوگئے۔

آزاد کشمیر کے سب سے چھوٹے ضلع پلندری میں پانہ پل کے قریب وین تیز رفتاری کے باعث الٹ گئی، حادثے میں 18افراد زخمی ہوگئے۔ جنہیں فوری طور پر اسپتال منتقل کر دیا گیا۔

پولیس حکام کے مطابق حادثے کا شکار ہونے والی وین راولپنڈی سے راولا کوٹ جارہی تھی۔ واقعہ کی مزید تفتیش جاری ہے۔