عیدالفطر :کوئٹہ اور گردونواح میں پکنک منانے پر پابندی عائد

کوئٹہ کی ضلعی انتظامیہ نے عید کے دنوں میں پکنک پوائنٹس پر عوامی تفریح پر پابندی عائد کر دی ہے۔ امن و امان کی صورتحال کے پیش نظر کوئٹہ اور گردونواح میں دفعہ 144 نافذ کر دی گئی ہے۔

ڈپٹی کمشنر کوئٹہ کی جانب سے جاری کردہ اعلامیے کے مطابق، شہر کے تفریحی مقامات پر پابندی عائد کی گئی ہے۔
اعلامیے میں کہا گیا ہے کہ امن و امان کی کشیدہ صورتحال کے باعث محکمہ داخلہ بلوچستان نے دفعہ 144 نافذ کر دی ہے، جس کے تحت شہریوں کو مخصوص تفریحی مقامات پر جانے کی اجازت نہیں ہوگی۔

پابندی کے تحت ہنہ، ہنہ اوڑک، کرخسہ اور شعبان سمیت دیگر تفریحی مقامات پر سیر و تفریح ممنوع قرار دی گئی ہے۔

انتظامیہ کا کہنا ہے کہ یہ فیصلہ شہریوں کے تحفظ کے پیش نظر کیا گیا ہے اور اس کی خلاف ورزی پر قانونی کارروائی عمل میں لائی جائے گی۔