منشیات کی اسمگلنگ روکنے کے لیے تعاون بڑھانے کے مفاہمت نامے پر دستخط

اسلام آباد: اینٹی نارکوٹکس فورس اور ایکسائز ٹیکسیشن اینڈ اینٹی نارکوٹکس بلوچستان نے منشیات کی اسمگلنگ سے نمٹنے کے لیے تعاون بڑھانے کے لیے ایک مفاہمت نامے پر دستخط کیےہیں ۔

یہ معاہدہ اے این ایف اور ایکسائز ،ٹیکسیشن اینڈ اینٹی نارکوٹکس بلوچستان کے درمیان باہمی ڈیٹا منتقلی ، آپریشنل تعاون اور منشیات کے رجحانات کے بروقت تجزیہ پر توجہ مرکوز کرتا ہے۔ یہ اقدام وفاقی حکومت کی انٹر ایجنسی ٹاسک فورس(IATF) کے فریم ورک کے تحت وفاقی اور صوبائی دونوں سطحوں پر منشیات سے نمٹنے کے لیے اداروں کی کوششوں کو تقویت دیتا ہے۔

صوبائی ڈائریکٹر بلوچستان بریگیڈیئر عدنان دانش اور سیکریٹری ایکسائزٹیکسیشن اوراینٹی نارکوٹکس بلوچستان ظفر علی بخاری نے ڈاکومنٹس پر دستخط کیے۔

اس موقع پر ڈی جی اے این ایف میجر جنرل عبدالمعید اور اینٹی نارکوٹکس فورس کے سینئر افسران بھی موجود تھے۔