ویمنز ورلڈ کپ کوالیفائرز وارم اپ میچ، بنگلادیش نے پاکستان کو شکست دیدی

لاہور: آئی سی سی ویمنز ورلڈ کپ کوالیفائرز کے آخری وارم اپ میچ میں بنگلا دیشی ویمن ٹیم نے پاکستانی ویمن اے کو167رنز سے شکست دیدی۔ بنگلا دیشی ویمن ٹیم نے قومی ٹیم کو جیت کے لیے 277 رنز کا ہدف دیا تھا۔

ہدف کے تعاقب میں پاکستان ویمن ٹیم 40 ویں اوور میں 109رنز پر ڈھیر ہو گئی۔ دعا ماجد 32 اور ام ہانی 26 رنز بنا کر نمایاں رہیں اس کے علاوہ کوئی کھلاڑی جم کر نہ کھیل سکیں ۔

قبل ازیں بنگلا دیشی ویمن ٹیم نے مقررہ اوورز میں 276 رنز بنائے تھے،بنگلادیشی کھلاڑی نگار سلطانہ نے 70، فرزانہ حق نے 50 اور جنت الفردوس نے 46 رنز بنائے۔پاکستانی ویمن اے کی ام ہانی اور وحیدہ اختر  نے 3، 3 شکار کیے جبکہ تانیہ سعید نے 2 وکٹیں لیں۔

پاکستانی ٹیم آئی سی سی ویمنز کرکٹ ورلڈ کپ کوالیفائنگ راؤنڈ کا پہلا میچ 9 اپریل کو آئر لینڈ کے خلاف کھیلے گی۔میچ ایل سی سی اے گراؤنڈ میں صبح ساڑھے 9 بجے شروع ہو گا۔