بی این پی کا لکپاس دھرنے کے مقام پر آل پارٹیز کانفرنس بلانے کا اعلان

کوئٹہ : بلوچستان نیشنل پارٹی (مینگل) نے صوبے کی صورتحال پر پیرکو آل پارٹیز کانفرنس بلانے کا اعلان کیا ہے۔

نجی ٹی وی کے مطابق مستونگ میں لک پاس کے مقام پر بی این پی کا دھرنا 17 ویں روز بھی جاری ہے۔بی این پی کی جانب سے دھرنے کے مقام پر پیرکوآل پارٹیز کانفرنس بلانے کا فیصلہ کیا گیا ہے جس میں صوبے کی مجموعی صورتِ حال پر تبادلہ خیال کیا جائے گا۔

دوسری جانب کوئٹہ میں پریس کانفرنس کرتے ہوئے مسلم لیگ ن بلوچستان کے رہنماو¿ں نے بی این پی کے سربراہ اختر مینگل کو تنقید کا نشانہ بنایا ہے۔

ن لیگی رہنمائوں کا کہنا تھا کہ سردار اختر مینگل کے جائز مسائل حل کرنا چاہتے ہیں مگر وہ اپنی ضد پر قائم ہیں، ان کا ایک ہی ایجنڈا ہے جوعدالت میں زیرِ سماعت ہے۔

ن لیگی رہنماوں نے کہاکہ اختر مینگل کے حالیہ بیانات احسان فراموشی کے برابر ہیں، ان کی ضد کی وجہ سے مذاکرات کامیاب نہیں ہورہے، حکومت کسی کی ضد نہیں مانے گی اور نہ ہی ضد پر مطالبات منظو رہوتے ہیں۔