اسمگلنگ کی کوشش ناکام، 618 قیمتی موبائل فون ، 40 ڈیوائسز برآمد

کراچی میں موچکو چیک پوسٹ کے قریب پولیس نے حساس ادارے کے ہمراہ کارروائی کرتے ہوئے اسمگلنگ کی بڑی کوشش ناکام بنا دی۔

نجی ٹی وی کے مطابق قانون نافذ کرنے والے اداروں نے ڈبل کیبن گاڑی کے خفیہ خانوں سے 618 قیمتی موبائل فون برآمد کئے، گاڑی سے اسمگل شدہ نان پی ٹی اے موبائل فون چلانے والی40 ڈیوائس بھی برآمد کی گئیں۔

ایس ایس پی کیماڑی کا کہنا ہے کہ ڈبل کیبن گاڑی اسمگلنگ کے لئے خصوصی طورپر تیارکی گئی تھی۔ موبائل فون اور ڈیوائسز کی قیمت 5 کروڑ روپے سے زائد بنتی ہے، اسمگلنگ میں ملوث دو ملزمان کو گرفتار کرکے گاڑی سمیت کسٹم کے حوالے کر دیا گیا ہے۔