کراچی قیوم آباد : کے پی ٹی پل آج رات سے 1 ماہ کیلیے بند

کراچی: مرتضیٰ وہاب نے قیوم آباد پرکے پی ٹی پل آج رات سے ایک ماہ کے لئے بندکرنے کا اعلان کردیا۔

نجی ٹی وی کے مطابق کراچی کے علاقے قیوم آباد پر کے پی ٹی پل آج رات سے ایک ماہ کے لیے بند کر دیا جائے گا۔

میئر کراچی مرتضیٰ وہاب نے کہا کہ کورنگی روڈ پر واقع کے پی ٹی پل کو مرمت کے لیے بند کریں گے،بلوچ کالونی ایکسپریس وے اور قیوم آباد سے کورنگی روڈ پرآنے والاحصہ بند ہوگا۔

انہوں نے کہا کہ متبادل راستے کے طور پرپل کے نیچے کے حصے کو استعمال کیا جا سکتا ہے، ٹریفک پولیس کےساتھ حکمت عملی تیارہے لہٰذا عوام انتظامیہ کے ساتھ تعاون کریں۔