اسلام آباد، آندھی کے باعث زیر تعمیر مکان کی شٹرنگ گر گئی،2 مزدور جاں بحق

اسلام آباد میں آندھی اورطوفان کے ساتھ بارش کے باعث زیر تعمیر مکان کی شٹرنگ گرنے سے 2 مزدور جاں بحق جبکہ 2 شدید زخمی ہوگئے۔

تفصیلات کے مطابق اسلام آباد میں تیز آندھی کے ساتھ بارش کے باعث تھانہ سنبھل کے حدود میں زیر تعمیر مکان کی دوسری منزل پر شیٹرنگ لگانے والے 4 مزدورشٹرنگ سمیت نیچے آگرے حادثے میں 2 مزدورجاں بحق 2 شدید زخمی ہوگئے۔

ریسکیو حکام کے مطابق زخمی مزدورں کو تشویشناک حالت میں فوری طور پر اسپتال منتقل کردیا گیا ہے۔

ادھر شہر اقتدار میں بادلوں کا بسیرا، بارش کی رم جھم اور ٹھنڈی ہوائیں،،جڑواں شہروں کا موسم خوشگوار ہوگیا، اکثر شہروں میں بجلی کی فراہمی کا سلسلہ بھی معطل ہوگیا، محکمہ موسمیات نے مزید بارشوں کی پیشگوئی کردی ہے۔