سپریم کورٹ ، پی ٹی آئی سینیٹر اعجاز چوہدری کی ضمانت منظور

اسلام آباد: سپریم کورٹ نے پی ٹی آئی سینیٹر اعجاز چوہدری کی ضمانت منظور کر لی۔

پریم کورٹ میں پی ٹی آئی سینیٹر اعجاز چوہدری کی ضمانت کی درخواست پر سماعت ہوئی، جسٹس نعیم اختر افغان کی سربراہی میں سپریم کورٹ کے 3رکنی بنچ نے سماعت کی ۔

اسپیشل پراسیکیوٹر نے کہاکہ اعجاز چوہدری نے لوگوں کو اکسایا اور سازش کا بھی حصہ رہے،جسٹس نعیم اختر نے کہاکہ اعجاز چوہدری کیخلاف کیس اتنا ہی مضبوط تھا تو فوجی عدالت میں لے جاتے،ویسے بھی تو 600لوگ فوجی عدالتوں میں لے کر گئے ہی ہیں، ضمانت کو بطور سزا استعمال نہیں کیا جا سکتا،وکیل پی ٹی آئی نے کہاکہ اعجاز چوہدری 11مئی2023سے گرفتار ہیں۔

عدالت نے پی ٹی آئی سینیٹر اعجاز چوہدری کی ضمانت منظور کرلی اور اعجاز چوہدری کو ٹرائل کورٹ میں ایک لاکھ روپے کے مچلکے جمع کرانے کا حکم دیدیا۔