بھارتی ہندوؤں نے مودی کے فالس فلیگ کا پردہ چاک کر دیا

ذرائع کے مطابق دنیا بھر سمیت بھارت سے بھی مودی کے فالس فلیگ کے خلاف آوازیں اٹھنے کا سلسلہ جاری ہے،بھارتی ہندوؤں نے مودی کے جھوٹے ڈرامے کو مسترد کرتے ہوئے حقیقت سے پردہ اٹھا دیا،بھارتی ہندو خاتون میناکشی بالی نے پہلگام حملے کو مودی حکومت کا ایک منصوبہ بند فالس فلیگ آپریشن قرار دیا
بھارتی خاتون نے میڈیا سے گفتگو کرتے ہوئے کہا ہے کہ پہلگام فالس فلیگ کا مقصد عوام کی توجہ اصل مسائل سے ہٹانا تھا، اب دیش میں بہار کے انتخابات آ رہے ہیں اس لیے کشمیر میں حملہ کر کے اصل حقیقت کی پردہ پوشی کی جا رہی ہے، مودی تو بولتا تھا کہ ہماری فوج اتنی طاقتور ہے کہ کوئی پرندہ بھی پر نہیں مار سکتا، پھر یہ دہشت گرد کیسے آ گئے؟ ۔ہندوؤں کو مار کر مسلمانوں کو ذمہ دار ٹھہرا کر مودی اس سازش سے پیچھے نہیں ہٹ سکتا، وقف قانون بھی صرف مسلمانوں کی جائیداد ہڑپنے کے لیے ہے، بھارتی مسلمانوں کو دیوار کے ساتھ لگایا جا رہا ہے،
ہندو خاتون نے کہا کہ مسلمانوں کے خلاف امتیازی قوانین بنا کر ہندو ووٹ بینک مضبوط کیا جا رہا ہے، مسلمانوں کے کندھوں پر بندوق رکھ کر مودی ہندوؤں کو مسلمانوں کے خلاف اکسا رہا ہے، مودی تو اڈانی اور امبانی کے غلام ہیں، ایئرپورٹ بیچ دیا، تیل بیچ دیا، اس ملک کی ہر چیز بیچ دی، اگر ہم خاموش رہے تو یہ ظلم دلتوں، اقلیتوں اور دیگر کمزور طبقوں تک پھیل جائے گا،
بھارتی ماہرین کا کہنا ہے بھارت کی عوام کو بھی سمجھ ہے کہ حملہ بہار انتخابات سے قبل کیا گیا تاکہ کشمیر میں کشیدگی بڑھا کر سیاسی فائدہ حاصل کیا جا سکے۔اگر بھارتی فوج واقعی باصلاحیت ہے تو دہشت گرد اتنی گہرائی تک حملہ کیسے کر سکتے ہیں؟ یہ سیکیورٹی کی بڑی ناکامی ہے مودی سرکار ہندوؤں کو قتل کروا کر مسلمانوں پر غداری کا الزام لگاتی ہے تاکہ عوام میں نفرت پھیلا کر ووٹ حاصل کیے جا سکیں،
بھارت میں اب دیگر اقلیتوں کو بھی نشانہ بنانے کی تیاری ہو رہی ہے اور یہ صرف مسلمانوں تک محدود نہیں رہے گا،