قابض بھارتی فوج کے تشدد سے کشمیری نوجوان شہید

سری نگر: مقبوضہ کشمیر میں قابض بھارتی فوج کے جرائم کا سلسلہ جاری ہے، 22 سالہ نوجوان کو بھارتی فوج نے  شہید کر دیا،امتیاز احمد کا تعلق کولگام سے تھا۔

امتیاز محنت کش مزدور تھا جو چند ہی روز قبل اپنے گھر واپس آیا،دو روز قبل امتیاز کو بھارتی فوج نے گھر سے حراست میں لیا،اہلخانہ کا کہنا ہے کہ امتیاز کو بھارتی فورسز نے  حراست میں لے کر شدید تشدد کا نشانہ بنایا، امتیاز احمد کی لاش نالے میں سے برآمد ہوئی۔

پہلگام فالس فلیگ کے بعد بھارتی فوج نے کشمیر میں خوف و ہراس پھیلا دیا ہے،واقعے پر وادی بھر میں شدید عوامی غم و غصہ کی دوڑ گئی ، لوگوں نے احتجاج کیا۔

یہ واقعہ بھارتی حکومت کے کشمیر میں امن کے دعوؤں کی کھلی تردید ہے،کشمیریوں نے انسانی حقوق کی عالمی تنظیموں سے بھارتی فوج کے مظالم پر فوری کارروائی کا مطالبہ کیا۔