بھارتی چیک پوسٹوں کی تباہی اور دھواں اٹھنے کے مناظر

مظفرآباد: بھارت کے بزدلانہ حملے کے بعد پاک فوج نے دندان شکن جواب دیتے ہوئے لائن آف کنٹرول پر بھارت کی متعدد پوسٹیں تباہ کر دیں۔

سیکیورٹی ذرائع کے مطابق لائن آف کنٹرول پر پاک فوج کی بھارتی جارحیت کے خلاف بھرپور جوابی کارروائیاں جاری ہیں،پاک فوج نے چری کوٹ کے بلمقابل جبڑی پوسٹ کو بھی تباہ کردیا۔

سیکیورٹی ذرائع کے مطابق پوری پوسٹ آگ کی لپیٹ میں آگئی، بھارتی فوج کے جوان بھاگنے پر مجبور ہو گئے ، فوٹیج میں پوسٹ کے تباہ ہونے کے بعد دھواں نکلنے کے مناظر بھی بخوبی دیکھے جا سکتے ہیں ۔

سیکیورٹی ذرائع کے مطابق پونچھ سیکٹر میں ہیڈ کوارٹر 93 بریگیڈ کی تباہی کی فوٹیج بھی دیکھی جاسکتی ہے، اس سے قبل 12 بریگیڈ اڑی سیکٹر میں بھی بھارتی فوج کو منہ کی کھانی پڑی۔