اسلام آباد میں بھی تعلیمی ادارے 2 دن کے لیے بند

اسلام آباد کی ضلعی انتظامیہ نے پاک بھارت کشیدگی کے پیش نظر وفاقی دارالحکومت کے تمام تعلیمی ادارے 2 دن کے لیے بند رکھنے کا فیصلہ کرلیا۔

اسلام آباد کی ضلعی انتظامیہ کی جانب سے تعطیلات کا نوٹیفکیشن جاری کردیا گیا، جس کے مطابق آئندہ 2 روز تک شہر میں تمام تعلیمی ادارے بند رہیں گے، تعلیمی اداروں میں اسکولز، کالجز، یونیورسٹیز اور ٹریننگ انسٹیٹیوٹ بھی شامل ہیں۔

نوٹیفکیشن میں بتایا گیا کہ اسلام آباد میں 9 اور 10 مئی کو تمام تعلیمی ادارے بند رہیں گے، تعلیمی ادارے بند رکھنے کا فیصلہ موجودہ پاک بھارت صورتحال کے پیش نظر کیا گیا ہے تاہم تعلیمی اداروں میں جاری امتحانات معمول کے مطابق جاری رہیں گے۔

اس سے قبل محکمہ تعلیم پنجاب نے پاک بھارت کشیدگی کے سبب تمام تعلیمی اداروں میں 2 دن کی چھٹی کا اعلان کر دیا تھا۔