بھارت کامذموم مقاصد کیلیےناکام پروجیکٹائل حملہ بے نقاب

اسلام آباد: پاک بھارت جنگ/بھارت کامذموم مقاصد کیلیےناکام پروجیکٹائل حملہ ڈی جی آئی ایس پی آرنےشواہد کیساتھ بے نقاب کردیا

ڈی جی آئی ایس پی آر لیفٹیننٹ جنرل احمد شریف چوہدری نےپریس بریف میں شواہد سامنے رکھتے ہوئے کہا کہ ’’بھارتی علاقے آدم پور سے چار پروجیکٹائل فائر کیے گئے‘‘ بھارت نےامرتسر کے علاقے پرپروجیکٹائل فائرکیے ۔

ڈی جی آئی ایس پی آر کے مطابق ایک پروجیکٹائل بین الاقوامی سرحد پار کرکے پاکستان میں داخل ہوا، اس پروجیکٹائل کو ڈینگانزد منڈی بہاؤالدین کے اوپر غیر فعال کرکے گرا دیا گیا ۔

ڈی جی آئی ایس پی آر نے بتایا کہ پاکستان کی سمت جو چیز مشرق کی طرف سے آتی ہے اس پر پاک فوج کی کڑی نظر ہوتی ہے، جب یہ پروجیکٹائل پاکستان کی طرف آرہا تھا تو ایئر ڈیفنس سسٹم اس کو مانیٹر کر رہے تھے۔

ڈی جی آئی ایس پی آر نے کہا کہ پروجیکٹائل کی ٹریجکٹری کو دیکھتے ہوئے اسے آپریشنل طریقہ کار کے تحت گرایا جاتاہے، ایئر ڈیفنس سسٹم نےپروجیکٹائل کو انتہائی مہارت سے ڈینگا نزد منڈی بہاؤالدین کے قریب غیر فعال کرکے گرا دیا۔

ڈی جی آئی ایس پی آر نے بتایا کہ یہ پروجیکٹائل بظاہرایک میزائل لگ رہا ہے جس کا پتہ فرانزک کے بعد ہی لگایا جائے گا، پروجیکٹائل کی ساخت اور دیگر تفصیلات بھی فرانزک کے بعد ہی سامنے آئیں گی ۔

دفاعی ماہرین کا کہنا ہے کہ ڈی جی آئی ایس پی کا شواہد کی بنیاد پر بھارت کو بے نقاب کرنا اس بات کی غمازی کرتا ہے کہ بھارت شدید بوکھلاہٹ کا شکار ہے،  بھارتی پروجیکٹائل (میزائل) کو بروقت غیر فعال کر کے گرانا پاکستان کے مضبوط ایئرڈیفنس سسٹم کا منہ بولتاثبوت ہے۔

دفاعی ماہرین نے مزید کہا کہ بھارت نےپہلگام فالس فلیگ آپریشن کے بعد خود ہی پروجیکٹائل امرتسر پر داغ کر الزام پاکستان پر ڈالنے کی مذموم کوشش کی جو بے نقاب ہو گئی۔