غیر ملکی خاتون سے لوٹ مار اور زیادتی کرنیوالا ملزم گرفتار

اسلام آباد پولیس نے غیر ملکی خاتون سے لوٹ مار اور زیادتی کرنیوالے ملزم کو گرفتار کرلیا۔

پولیس کا کہنا ہے کہ اسلام آباد میں 2 روز قبل شکر پڑیاں میں نیدر لینڈز کی خاتون کو آن لائن بائیک رائیڈر نے زیادتی کا نشانہ بنایا، جسے گرفتار کرلیا گیا ہے۔

پولیس کا کہنا ہے کہ غیرملکی خاتون نے ملزم کی شناخت کرلی، بائیک رائیڈر سے چھینا ہوا سامان بھی برآمد کرلیا گیا۔

اسلام آباد پولیس نے زیادتی کی شکار خاتون کی درخواست پر ملزم کو 51 گھنٹوں میں ہی گرفتار کرلیا۔

دوسری جانب غیر ملکی خاتون نے خود سے ڈکیتی کے دوران زیادتی کرنے والے مجرم کو شناخت کرلیا اور اس موقع پر قرآن کی آیت پڑھتے ہوئے مثالی تحمل کا مظاہرہ کیا۔

ترجمان اسلام آباد پولیس کے مطابق غیرملکی خاتون کے ساتھ ڈکیتی کے دوران جنسی زیادتی کرنے والا سفاک ملزم 51 گھنٹوں میں گرفتار کرلیا گیا اور ملزم سے چھینا ہوا سامان بھی برآمد کرلیا گیا ہے۔

سفاک شخص کی گرفتاری کے بعد غیرملکی خاتون نے ملزم کی شناخت  بھی کرلی۔ خاتون نے پولیس کا شکریہ ادا کیا۔

اس موقع پر خاتون نے ملزم کے سامنے آنے پر بے مثال تحمل کا مظاہرہ کرتے ہوئے کسی سخت ردعمل کے بجائے صبر سے متعلق قرآنی آیت پڑھتے ہوئے تحمل کا اظہار کیا۔