جنگ میں جیت کی خوشیاں مناتے لاہوریوں پر موسم بھی مہربان

لاہور: شہر کے مختلف علاقوں میں گرج چمک کے ساتھ موسلادھار بارش اور ژالہ باری نے موسم کو خوشگوار بنا دیا۔

لاہور میں جگہ جگہ پر جنگ میں جیت کی خوشی منائی جا رہی ہے لوگ ریلیاں نکال رہے ہیں اور ایک دوسرے میں مٹھا ئیاں تقسیم کر رہے ہیں ایسے میں شدید گرمی کے بعد بارش اور ژالہ باری کے ساتھ موسم نے خوشگوار ہو کر شہریوں کے لطف کو دوبالا کردیا ہے ۔

محکمہ موسمیات کے مطابق یہ بارش مغربی ہواؤں کے نئے سلسلے کا نتیجہ ہے جو آئندہ 24 گھنٹوں تک وقفے وقفے سے جاری رہ سکتی ہے۔ شہریوں کو غیر ضروری سفر سے گریز اور احتیاطی تدابیر اختیار کرنے کی ہدایت کی گئی ہے۔