جنوبی وزیرستان میں مبینہ ڈرون حملہ ، 23 افراد زخمی ، 4 کی حالت تشویشناک

وانا : جنوبی وزیرستان میں مبینہ ڈرون حملے میں 23 افراد زخمی ہوگئے جن میں 4 کی حالت تشویشناک ہے۔

مقامی افراد کا دعویٰ ہے کہ کواڈ کاپٹر سے دھماکہ خیز مواد گِرنے کا یہ واقعہ جنوبی وزیرستان کی تحصیل برمل کی مرکزی شاہراہ کے قریب اُس وقت پیش آیا جب مقامی افراد والی بال کا میچ کھیل رہے تھے۔

شہریوں کا دعویٰ ہے کہ انھوں نے ڈرون جیسی چیز کو فضا میں اُڑتے دیکھا اور اس کے بعد دھماکہ ہوا۔ جس مقام پر یہ واقعہ پیش آیا وہاں کچھ دکانیں اور ساتھ ہی والی بال کا گراؤنڈ ہے۔