روس امن مذاکرات کو ناکام بنانے کی کوشش کر رہا ہے، زیلنسکی

یوکرین کے صدر زیلنسکی نے کہا ہے کہ روس امن مذاکرات کو ناکام بنانے کی کوشش کر رہا ہے۔

رپورٹ کے مطابق یوکرینی صدر زیلنسکی کا کہنا ہے کہ یوکرین روس مذاکرات کے معنی خیز ہونے کے لیے ایجنڈا واضح ہونا چاہیے۔ یوکرین اپنی تجویز روس کو بھیج چکا ہے۔

خبرایجنسی کے مطابق روس اور یوکرین کے درمیان جنگ بندی مذاکرات کا دوسرا دور جون میں شروع ہوگا۔ پہلا دور دو ہفتے قبل استنبول میں ہوا تھا جس میں کوئی پیش رفت نہیں ہوسکی تھی۔

دوسری جانب صدر ڈونلڈ ٹرمپ کہتے ہیں یوکرینی اور روسی دونوں صدور ضدی ہیں۔

ٹرمپ کا مزید کہنا تھا کہ وہ یوکرین میں روسی بمباری سے مایوس ہوئے ہیں، جبکہ ہم جنگ بندی کی کوشش کر رہے ہیں۔