بھارت خطے میں دہشت گردی کا سب سے بڑا سرپرست ہے،فیلڈ مارشل عاصم منیر

راولپنڈی: فیلڈ مارشل سید عاصم منیرنے52ویں کامن ٹریننگ پروگرام کے افسران سے خطاب کرتے ہوئے کہاکہ ملک کی ترقی اور کامیابی کے لیے عوام، حکومت اور افواج کے درمیان مضبوط تعلق نا گزیر ہے۔

فیلڈ مارشل سید عاصم منیرنے کہا کہ ریاست کی تمام اکایئوں کے درمیان ہم آہنگی کی اساس پاکستان کی انتظامیہ اور سول بیوروکریسی ہے، اس کی بھاری اور اہم ذمہ داری آپ پر عائد ہوتی ہے۔

فیلڈ مارشل سید عاصم منیرنے کہا کہ معرکہ حق میں ریاست کی تمام اکایئوں نے مثالی ہم آہنگی کا مظاہرہ کیا۔

فیلڈ مارشل سید عاصم منیر نے کہاکہ معرکہ حق میں پاکستان نے کشمیر لائن آف کنٹرول سے لے کر ساحل سمندر تک ہندوستان کی بلا جواز جارحیت کے خلاف بہترین جواب دیا۔

فیلڈ مارشل سید عاصم منیر نے کہاکہاللّٰہ نے معرکہ حق میں ہماری مدد کی کیونکہ ہم حق پر تھے،افواج پاکستان دور حاضر کے جنگی تقاضوں کے مطابق اپنے آپکو ہمہ وقت تیار رکھتی ہیں۔

فیلڈ مارشل سید عاصم منیر نے کہاکہ ہم ہندوستان کو واضح پیغام دیتے ہیں، پاکستان نے نہ پہلے ہندوستان کی اجارہ داری قبول کی اور نہ کبھی کرے گا۔

فیلڈ مارشل سید عاصم منیر نے کہا کہ دہشت گردی ہندوستان کا اندرونی مسئلہ ہے جو اسکا اپنی اقلیتوں اور بالخصوص مسلمانوں پر متعصبانہ اور ظالمانہ رویوں کا نتیجہ ہے ۔

فیلڈ مارشل سید عاصم منیر نے کہاکہ خطے میں دہشت گردی کا سب سے بڑا سر پرست ہندوستان ہے،بحیثیت قوم ہم پاکستانی کبھی بھی ہندوستان کے آگے جھکے ہیں،نہ جھکیں گے۔

فیلڈ مارشل سید عاصم منیر نے کہاکہ افغانستان ہمارا برادر پڑوسی اسلامی ملک ہے اور ہم اس سے اچھے تعلقات چاہتے ہیں تاہم ہم اُن سے ایک ہی تقاضا کرتے ہیں کے وہ ہندوستان کی دہشتگردانہ پروکسیوں فتنہ الہندوستان اور فتنہ الخوارج کو جگہ نہ دیں۔

فیلڈ مارشل سید عاصم منیر نے کہا کہ اپنی انفرادی اور علاقائی پہچان سے بڑھ کر پاکستانیت کی پہچان کو اپنائیں، ہر نظام میں مسائل اور کمزوریاں ہوتی ہیں، آپکا کام ہے کے کمزوریوں اور منفی قوتوں کو نظام پر حاوی نہ ہونے دیں۔

فیلڈ مارشل سید عاصم منیر نے کہا کہ جو اقوام اپنی تاریخ کو بھول جاتی ہیں انکا مستقبل بھی تاریک ہو جا تا ہے،پاکستان کی کہانی اور تاریخ کو جانیے اور اپنی اگلی نسلوں تک پہنچائیں۔

فیلڈ مارشل سید عاصم منیر نے مزید کہاکہ ملک سے محبت اور وفاداری اولین اور بنیادی شرط ہے،

اپنے اندر جرات، قابلیت اور کردار پیدا کریں اور اگر ان میں سے ایک جزو کو چننا ہو تو ہمیشہ کردار کو فوقیت دیجیئے گا۔