کارکنان کی گرفتاریاں ہمارا راستہ نہیں روک سکتیں، علی امین گنڈاپور

گجرات: وزیر اعلیٰ خیبر پختونخوا علی امین گنڈاپور نے کہا ہے کہ کارکنان کی گرفتاریاں ہمارا راستہ نہیں روک سکتیں۔

وزیر اعلیٰ خیبر پختونخوا علی امین گنڈاپور نے میڈیا سے گفتگو کرتے ہوئے کہا کہ آج پاکستان تحریک انصاف (پی ٹی آئی) کے تمام پارلیمنٹیرینز کا اجلاس ہو گا۔ بانی پی ٹی آئی کے بیٹے الیکشن لڑنے نہیں بلکہ اپنے والد سے ملنے آ رہے ہیں۔

انہوں نے کہا کہ حکومت گھبراہٹ کا شکار ہو چکی ہے۔ لیکن کسی فرد کو آئینی حق سے محروم نہیں کیا جاسکتا۔

علی امین گنڈاپور نے کہا کہ کارکنوں کی پکڑ دھکڑ حکومت کے اوچھے ہتھکنڈے ہیں۔ تاہم کارکنان کی گرفتاریاں ہماراراستہ نہیں روک سکتیں۔