پاکپتن کے اسپتال میں 20 بچوں کی اموات : ملزمان کی ضمانتیں خارج

پاکپتن اسپتال میں 20 بچوں کی اموات کے کیس میں میں عدالت نے ملزمان کی ضمانتیں خارج کرتے ہوئے جوڈیشل ریمانڈ میں توسیع کر دی۔

پاکپتن کے سرکاری اسپتال میں 20 نومولود بچوں کی اموات کے معاملے پر کیس کی سماعت سینئر سول جج کی عدالت میں ہوئی، جہاں گرفتار ملزمان کی ضمانت کی درخواستیں مسترد کر دی گئیں۔

عدالت نے ملزمان کے جوڈیشل ریمانڈ میں مزید توسیع کرتے ہوئے انہیں دوبارہ جیل بھیجنے کا حکم دے دیا۔

سماعت کے دوران ملزمان کے وکلاء نے اپنے دلائل مکمل کیے تھے تاہم عدالت نے شواہد کی روشنی میں ضمانتیں منظور کرنے سے انکار کر دیا۔

یاد رہے، آج نیوز نے 25 جون کو اسپتال میں 20 بچوں کی اموات کی خبر سب سے پہلے نشر کی تھی۔ سرکاری اسپتال میں 20 بچوں کی اموات کے واقعے نے پورے صوبے کو ہلا کر رکھ دیا تھا۔