عالیہ حمزہ کو پنجاب میں تحریک چلانے کےلیے رکھاگیاہےٹویٹ کرنےکےلئےنہیں،سلمان اکرم راجا

اسلام آباد: سیکریٹری جنرل پی ٹی آئی سلمان اکرم راجا نے میڈیا سے گفتگو کرتے ہوئے کہا میں جو بات کر رہا ہوں وہ ٹھیک کر رہا ہوں، اگر کسی میں  ہمت ہے رد کرنے کی تو میں دیکھ لوں گا۔ ایک اچھے ایونٹ کو بیوقوفانہ طریقے سے متنازع بنایا گیا یہ ہم برداشت نہیں کریں گے۔ انہوں نے کہا پریس کانفرنس کے بعد ٹویٹ کرنے کی کوئی وجہ نہیں بنتی، جس نے غلطی کی ہے وہ معافی مانگے۔

صحافی نے سوال کیا کہ کیا عالیہ حمزہ کو ٹویٹ کے معاملے پر فارغ کیا جا رہا ہے؟ تو انہوں نے کہا عالیہ حمزہ کو فارغ نہیں کیا جا رہا۔ انہیں جس کام کے لئے رکھا گیا ہے وہ کام انہیں کرنا چاہیے، ان کا کام ٹویٹ کرنا نہیں، پنجاب میں تحریک چلانا ہے۔

لاہور میں مرزا آفریدی کے فارم ہاؤس پر دعوت کے سوال پر سلمان اکرم راجا نے کہا کہ مرزا آفریدی کے فارم ہاؤس پر نہ جاتے تو بہتر ہوتا۔ یہ واضح ہے کہ پاکستان تحریک انصاف کسی کو پیسے کی وجہ سے ٹکٹ نہیں دے گی۔  ہم تحریک خان صاحب کے احکامات کے تحت چلائیں گے۔