تحریک تحفظ آئین پاکستان کے عہدیداران کا اعلان،محمود اچکزئی چیئرمین مقرر

اسلام آباد: پاکستان تحریک انصاف کے سیکریٹری جنرل سلمان اکرم راجہ نے تحریکِ تحفظِ آئینِ پاکستان کے عہدیداران کا اعلان کر دیا۔

جاری کیے گئے بیان میں سلمان اکرم راجہ نے بتایا ہے کہ تحریکِ تحفظِ آئینِ پاکستان کے چیئرمین محمود اچکزئی اور علامہ راجہ ناصر عباس وائس چیئرمین ہوں گے۔

نہوں نے بتایا کہ اسد قیصر سیکریٹری جنرل، صاحبزادہ حامد رضا سیکریٹری اطلاعات، اخونزادہ حسین یوسف زئی ترجمان ہوں گے۔سلمان اکرم راجہ کے مطابق مصطفیٰ نواز کھوکھر اور اختر مینگل تحریک کے مرکزی کرداروں میں شامل ہیں۔

انہوں نے بتایا ہے کہ تحریکِ تحفظِ آئینِ پاکستان میں کئی جماعتوں کے اہم رہنما شامل ہیں، یہ تحریک آئین کی بالادستی، عدلیہ و جمہوریت کے تحفظ کی جدوجہد کرے گی۔