پاکستان اور بنگلہ دیش کے درمیان ٹی 20 سیریز کا پہلا میچ آج ہوگا

ڈھاکا: پاکستان اور بنگلہ دیش کی کرکٹ ٹیموں کے درمیان تین ٹی 20 میچوں پر مشتمل سیریز کا پہلا مقابلہ آج ڈھاکا میں ہوگا۔

میچ پاکستانی وقت کے مطابق شام 5 بجے ڈھاکہ کے شیر بنگلہ سٹیڈیم میں کھیلا جائے گا۔

پاک بنگلہ دیش ٹی 20 سیریز کی ٹرافی کی رونمائی گزشتہ روز ڈھاکا کے ہوٹل میں دونوں کپتانوں کی موجودگی میں کی گئی، اس موقع پر پاکستانی قائد سلمان علی آغا اور بنگلہ دیشی ہم منصب لٹن داس نے ٹرافی کے ہمراہ پوز دیئے۔

پریس کانفرنس کرتے ہوئے پاکستانی کپتان سلمان علی آغا نے کہا کہ بنگلا دیش ہوم گراؤنڈ اور اپنی کنڈیشنز میں اچھی ٹیم ہے، چیلنجز کے بارے میں علم ہے، پوری تیاری کے ساتھ میدان میں اتریں گے۔

واضح رہے کہ آج بارش کی پیش گوئی کی گئی جبکہ سیریز کے بارش سے متاثر ہونے کا خدشہ ہے۔