پہلا ٹی 20: بنگلا دیش کیخلاف پاکستان کی بیٹنگ جاری

ڈھاکا: پہلے ٹی ٹوئنٹی میں بنگلا دیش نے ٹی 20 سیریز کے پہلے میچ میں پاکستان کی بنگلادیش کیخلاف بیٹنگ جاری ہے۔

دونوں ٹیمیں شیر بنگلا نیشنل اسٹیڈیم میرپور میں مدمقابل ہیں، بنگلادیش کے کپتان لٹن داس نے ٹاس جیت کر فیلڈنگ کا فیصلہ کیا تھا۔

پاکستان اور بنگلا دیش کے درمیان تین ٹی ٹوئنٹی میچز کی سیریزکا پہلا میچ آج ڈھاکا میں کھیلا جارہا ہے، میزبان ٹیم نے کل پریکٹس اور پاکستانی ٹیم نے آرام کیا تھا۔

محکمۂ موسمیات نے آج ڈھاکا میں دوپہر کے وقت بارش کی پیش گوئی کی تھی، لیکن میچ کے دوران بارش کا امکان ظاہر نہیں کیا تھا۔

سیریز کی ٹرافی کی رونمائی ڈھاکا کے ہوٹل میں دونوں کپتانوں کی موجودگی میں گزشتہ روز کی گئی تھی۔

پاکستانی کپتان سلمان علی آغا نے پریس کانفرنس میں کہا کہ بنگلا دیش ہوم گراؤنڈ اور اپنی کنڈیشنز میں اچھی ٹیم ہے، چیلنجز کے بارے میں علم ہے، پوری تیاری کے ساتھ میدان میں اتریں گے۔

بنگلا دیش الیون: پرویز حسین ایمان، تنزید حسن، لٹن داس، توحید ہریدوئے، شميم حسین، جاکر علی، ماحدی حسن، رشاد حسین، تنظیم حسن، تسکین احمد، مستفیض الرحمن شامل ہیں۔