بنگلہ دیش نے پاکستان کو پہلے ٹی20 میں دھول چٹا دی

ڈھاکا: پاکستان اور بنگلہ دیش کے درمیان تین میچوں پر مشتمل ٹی20 سیریز کے پہلے میچ میں میزبان ٹیم نے شاندار کارکردگی کا مظاہرہ کرتے ہوئے پاکستان کو 7وکٹوں سے شکست دے دی۔ بنگلہ دیش نے 111 رنز کا ہدف صرف 15.3 اوورز میں حاصل کر کے میچ  جیت لیا۔

پاکستان نے ٹاس جیت کر پہلے بیٹنگ کا فیصلہ کیا جو جلد ہی غلط ثابت ہوا۔ پاکستانی بلے باز بنگلہ دیشی باؤلنگ کے سامنے بے بس نظر آئے۔ فخر زمان نے 44 رنز کی انفرادی اننگز کھیلی، لیکن ان کے سوا کوئی بھی بلے باز کریز پر نہ ٹھہر سکا۔ پوری ٹیم 110 رنز پر ڈھیر ہو گئی۔

تسکین احمد نے 3 وکٹیں حاصل کیں، جبکہ مستفیض الرحمٰن نے انتہائی کفایتی باؤلنگ کرتے ہوئے 4 اوورز میں صرف 6 رنز دے کر 2 کھلاڑیوں کو آؤٹ کیا۔

جواب میں بنگلہ دیشی اوپنر پرویز حسین ایمان نے دھواں دھار بیٹنگ کا مظاہرہ کیا اور صرف 39 گیندوں پر ناقابلِ شکست 56 رنز بنائے، جس میں 5 چھکے اور 3 چوکے شامل تھے۔ ان کے ساتھ توحید ہریدوے نے 36 رنز کی اننگز کھیلی۔ بنگلہ دیش نے مطلوبہ ہدف 27 گیندیں قبل ہی حاصل کر لیا۔ پرویز حسین ایمان کع عمدہ بیٹنگ کرنے پر مین آف دی میچ قارا دیا گیا۔