9مئی میانوالی ہنگامہ آرائی ؛ملک احمد خان بھچر،ایم این اے احمد چٹھہ سمیت32 کارکنوں کو 10،10سال قید

انسداد دہشتگردی عدالت نے 9مئی میانوالی ہنگامہ آرائی اور توڑ پھوڑ کے کیس میں اپوزیشن لیڈر ملک احمد خان بھچر، ایم این اے احمد چٹھہ سمیت تمام کارکنوں کو 10،10سال کی سزا سنا دی۔

نجی ٹی وی  کے مطابق سرگودھا کی اے ٹی سی نے9 مئی کو میانوالی میں ہنگامہ آرائی اور توڑ پھوڑ کے مقدمہ کا فیصلہ سنا دیا گیا،اپوزیشن لیڈر پنجاب اسمبلی ملک احمدخان  بھچر کو 10سال قید کی سزا کا حکم سنا دیا گیا۔

ایم این اے احمد چٹھہ سمیت تمام کارکنوں کو بھی 10،10سال قید کی سزا کا حکم سنا دیاگیا، انسداددہشتگردی عدالت نے مختصرفیصلہ سنایا،فیصلے کے وقت اپوزیشن لیڈر احمد خان بھچر سمیت کوئی ملزم عدالت میں موجود نہیں تھا۔عدالت نے احمد خان بھچر سمیت کیس کے 32ملزمان کو حاضری سے استثنیٰ دےرکھا تھا۔