شاہ محمود قریشی کی ضمانت خارج کرنےکا تحریری فیصلہ جاری

لاہور: انسداددہشتگردی عدالت نے پی ٹی آئی رہنما شاہ محمود قریشی کی ضمانت خارج کرنےکا تحریری فیصلہ جاری کردیا۔

نجی ٹی وی کے مطابق انسداددہشتگردی عدالت کے جج منظر علی گل نے 2صفحات پر مشتمل تحریری فیصلہ جاری کیا، عدالت نے کہاکہ اس مقدمے کے کافی گواہوں کے بیانات ریکارڈ کرلئے گئے ہیں ،باقی گواہوں کے بیانات چند روز تک ریکارڈ کرلئے جائیں گے اور فیصلہ آ جائے گا۔

عدالت اس مرحلے پر اپنا مائنڈ ڈسکلوز نہیں کر سکتی، سپریم کورٹ نے چار ماہ میں مقدمے کے فیصلے کی ہدایت کی ہے،سپریم کورٹ کے احکامات کی وجہ سے روزانہ کی بنیاد پر سماعت کی جارہی ہے۔