دوسرا ٹی 20: پاکستان کیخلاف بنگلادیش کی بیٹنگ لڑکھڑا گئی

میر پور: دوسرے ٹی 20 میچ میں بنگلادیش کی پاکستان کیخلاف بیٹنگ جاری ہے، بنگلا دیش نے6 اوورز میں 4 وکٹوں کے نقصان پر29رنز بنا لیے، محمد نعیم 3رنز بنا کر فہیم اشرف کا شکار بنے۔

لٹن داس کو سلمان مرزا نے آئوٹ کیا وہ 8 رنز بنا سکے، توحید کو سلمان آغا نے صفر پر رن آئوٹ کیا جبکہ پرویز حسین ایمان 13 رنز بنا کر کیچ آئوٹ ہوئے ان کی وکٹ احمد دانیال نے لی۔

میرپور کے شیر بنگلا کرکٹ اسٹیڈیم میں کھیلے جارہے میچ میں پاکستان نے ٹاس جیت کر پہلے فیلڈنگ کا فیصلہ کیا تھا۔

آج کے میچ میں پاکستان ٹیم میں ایک تبدیلی کی گئی ہے، ابرار کی جگہ احمد دانیال اپنا ڈیبیو میچ کھیل رہے ہیں۔

بنگلا دیش کی ٹیم میں بھی دو تبدیلیاں کی گئی ہیں، تسکین اور تمیم کی جگہ نعیم شیخ اور شریف الاسلام ٹیم میں واپس آئے ہیں۔

پاکستان کو بنگال ٹائیگرز کے ہاتھوں سیریز میں شکست کی تاریخی رسوائی سے بچنے کیلیے آج کے میچ میں لازمی فتح درکار ہے۔

پہلے ٹی 20 میچ میں بنگلادیش نے پاکستان کو 7 وکٹوں سے شکست دیکر سیریز میں 0-1 کی برتری حاصل کی تھی۔

پاکستان الیون:
فخر زمان، صائم ایوب، محمد حارث (وکٹ کیپر)، حسن نواز، سلمان آغا (کپتان)، محمد نواز، خوشدل شاہ، فہیم اشرف، عباس آفریدی، سلمان مرزا، احمد دانیال

بنگلہ دیش الیون:
پرویز حسین ایمان، نعیم شیخ، لٹن داس (کپتان و وکٹ کیپر)، توحید ہریدوئے، شمیم حسین، جاکر علی، مہدی حسن، رشاد حسین، تنظیم حسن، شریف الاسلام، مستفیض الرحمان