تحریک انصاف کے 12کارکنان کو چھ، چھ ماہ قید

اسلام آباد: پی ٹی آئی کیخلاف اجتماع اور امن وعامہ ایکٹ2024کے تحت درج کیس کا فیصلہ سنا دیا گیا۔

نجی ٹی وی کے مطابق ڈسٹرکٹ اینڈ سیشن کورٹ اسلام آبادنے تحریک انصاف کے 12کارکنان کو چھ، چھ ماہ قید کی سزا سنا دی ۔تحریک انصاف کے ایک کارکن کو کیس سے بری کردیا گیا۔

پی ٹی آئی کے 13کارکنان کو تین مختلف مقدمات میں نامزد کیا گیا تھا، جوڈیشل مجسٹریٹ مرید عباس نے 5 ملزمان کو سزا سنائی جبکہ جوڈیشل مجسٹریٹ احمد شہزاد نے ایک ملزم کو بری کیا، 7 کو سزا سنائی۔