5 اگست کو بڑے احتجاج یاجلسے کی اجازت نہ ملنے پر پی ٹی آئی نے پلان بی تیار کر لیا

لاہور: 5 اگست کو بڑے احتجاج یا جلسے کی اجازت نہ ملنے کی صورت میں پر پی ٹی آئی کی جانب سے پلان بی کے تحت حلقوں میں احتجاج کی منصوبہ بندی کی جا رہی ہے۔

ذرائع پی ٹی آئی کے مطابق تحریک انصاف 5 اگست کو پنجاب کے ہر حلقے میں احتجاج کرے گی اور تمام حلقوں میں احتجاج کی فوٹیج قیادت کو بھیجی جائے گی جبکہ 5 اگست کے بعد بڑے شہروں میں احتجاج کی کال دی جائے گی۔احتجاجی تحریک کے حوالے سے ڈویژنل تنظیم اور ٹکٹ ہولڈرز کو ہدایت جاری کر دی گئیں جبکہ 5 اگست سے قبل یوسی سطح پر تنظیم سازی مکمل کرکے قیادت کو رپورٹ کی ہدایت بھی کر دی گئی۔

ذرائع کے مطابق احتجاج نہ کرنے والے عہدیداروں کے خلاف باقاعدہ کارروائی کی جائے گی، پنجاب حکومت کی جانب سے مینار پاکستان پر جلسے کی اجازت دیے جانے کا امکان نہیں۔