سندھ اور بلوچستان میں گرمیوں کی چھٹیاں ختم، تعلیمی ادارے کھل گئے

کراچی: سندھ اور بلوچستان میں گرمیوں کی چھٹیاں ختم ہونے پرتعلیمی ادارے دوبارہ کھل گئے۔

نجی ٹی وی کے مطابق صوبہ سندھ اور بلوچستان میں  گرمیوں کی چھٹیاں ختم  ہونے کے بعد تعلیمی ادارے آج سے کھول دیے گئے ہیں اور تدریسی عمل کا آغاز ہوگیا ہے۔

تاہم اسکول کھلنے کے پہلے روز طلبہ کی حاضری معمول سے انتہائی کم  اور نہ ہونے کے برابری رہی۔

دوسری جانب کراچی میں بیشتر نجی اسکول 4 اگست سے کھولنے کا اعلان کیا گیا ہے۔

واضح رہے کہ محکمہ تعلیم سندھ نے  یکم جون سے 31 جولائی تک تعطیلات کا اعلان کیا تھا ۔