صدر آصف علی زرداری سے وزیرِ اعلیٰ بلوچستان کی بلاول ہاؤس کراچی میں ملاقات

کراچی: صدر  مملکت آصف علی زرداری سے وزیرِ اعلیٰ بلوچستان میر سرفراز بگٹی نے بلاول ہاؤس کراچی میں ملاقات  کی ۔

ملاقات میں بلوچستان کی ترقی اور مجموعی سیاسی صورتحال پر تبادلۂ خیال  کیا گیا ۔

وزیرِ اعلیٰ نے صدرِ مملکت کو صوبہ بلوچستان  میں امن و امان اور ترقیاتی منصوبوں کے حوالے سے بریفنگ دی ۔صدر آصف علی زرداری نے بلوچستان میں امن و امان کی صورتحال  مزید بہتر بنانے کی ہدایت  کی۔

صدرِ مملکت نے کہا کہ عوامی فلاح، بنیادی سہولتوں کی فراہمی اور ترقیاتی منصوبوں کی بروقت تکمیل کو یقینی بنایا جائے ،بلوچستان کے عوام کا معیارِ زندگی بہتر بنانے کے لیے مؤثر اقدامات کیے جائیں۔