پاکستان ویمنز کرکٹ ٹیم آئرلینڈ پہنچ گئی

دربن: پاکستان ویمنز کرکٹ ٹیم کپتان فاطمہ ثناء کی قیادت میں آئرلینڈ پہنچ گئی۔

پاکستان ویمنز ٹیم آئر لینڈ ویمن ٹیم سے 3 ٹی ٹوئنٹی میچز پر مشتمل سیریز کھیلے گی۔پاکستانی ٹیم آج آرام کرے گی جبکہ کل سے پریکٹس کرے گی۔پاکستان اور آئر لینڈ ویمنز کے درمیان پہلا میچ بدھ کو ہو گا۔

پاکستان ویمنز کرکٹ ٹیم کے میچز 6، 8 اور 10 اگست کو شیڈول ہیں تاہم انٹرنیشنل سیریز کے میچز سے قبل مہمان ٹیم خود کو مقامی کنڈیشنز سے ہم آہنگ کرنے کے لیے بھرپور مشقیں کرے گی۔

قبل ازیں 15 رکنی قومی ویمن اسکواڈ فاطمہ ثنا کی قیادت میں اتوار کو علی الصبح کراچی سے دوحا کے راستے اپنی منزل کی جانب روانہ ہوا، محمد وسیم ہیڈ کوچ کی ذمہ داری ادا کر رہے ہیں۔

آئرلینڈ روانگی سے قبل نیشنل اسٹیڈیم کے حنیف محمد ہائی پرفارمنس سینٹر اور اوول گراؤنڈ پر 4 روزہ حتمی کیمپ میں قومی اسکواڈ کو خصوصی تربیت فراہم کی گئی۔