پاکستان اسٹاک ایکسچینج میں 100 انڈیکس بلند ترین سطح پر پہنچ گیا

پاکستان اسٹاک ایکسچینج (پی ایس ایکس) میں اگست کے مہینے میں ریکارڈز بننے کا سلسلہ جاری ہے، کاروباری ہفتے کے تیسرے روز بھی زبردست تیزی دیکھی جارہی ہے۔

بازار حصص کے 100 انڈیکس میں 575 پوائنٹس کا اضافہ ہوا، جس کے بعد 100 انڈیکس ایک لاکھ 50 ہزار 346 پوائنٹس کی بلندی پر پہنچ گیا۔

آج اب تک کے کاروبار کے دوران بینچ مارک 100 انڈیکس ایک لاکھ 50 ہزار 388 پوائنٹس کی بلند ترین سطح پر بھی پہنچا۔

واضح رہے کہ گزشتہ روز کاروبار کے اختتام پر 100 انڈیکس ایک لاکھ 49 ہزار 770 پوائنٹس پر بند ہوا تھا۔