9مئی کیس: پی ٹی آئی کے 63 کارکنوں کو رہا کرنے کا حکم

اسلام آباد: اسلام آباد کی عدالت نے9 مئی کیس میں پی ٹی آئی کے 63 کارکنوں کو رہا کرنے کا حکم دے دیا۔

ڈسٹرکٹ اینڈ سیشن کورٹس اسلام آباد نے پی ٹی آئی کے 63 ورکرز کی ضمانت بعد از گرفتاری کی درخواستیں منظور کرلیں۔

جوڈیشل مجسٹریٹ مرید عباس نے ضمانت کی درخواستوں پر محفوظ فیصلہ سنایا۔ پی ٹی آئی کے 40 کارکنان کی تھانہ مارگلہ کے مقدمہ میں ضمانتیں منظور ہوئیں اور 23 پی ٹی آئی کارکنان کی تھانہ انڈسٹریل ایریا کے مقدمہ میں ضمانتیں منظور ہوئیں اور عدالت نے انہیں رہا کرنے کا حکم دے دیا۔

پی ٹی آئی کارکنان کے خلاف اقدام قتل، ڈکیتی اور دیگر دفعات کے تحت مقدمات درج ہیں۔