آرمی چیف عاصم منیر اور ایرانی فوجی سربراہ کا ٹیلیفونک رابطہ

اسلام آباد: آرمی چیف فیلڈ مارشل سید عاصم منیر اور ایرانی فوج کے سربراہ میجر جنرل عبدالرحیم موسوی کے درمیان ٹیلیفونک گفتگو ہوئی، جس میں دونوں ممالک نے مشترکہ سرحدوں کو محفوظ بنانے اور دہشت گردی کے خاتمے پر اتفاق کیا۔

ایران کا سیلاب متاثرین سے اظہار ہمدردی

ایرانی خبررساں ایجنسی کے مطابق میجر جنرل عبدالرحیم موسوی نے پاکستان میں حالیہ سیلاب سے متاثرہ عوام کے ساتھ اظہار ہمدردی کیا اور کہا کہ ایران اپنے پاکستانی بھائیوں کی مدد کے لیے ہر ممکن تعاون فراہم کرنے کو اعزاز سمجھتا ہے۔

دوطرفہ تعلقات پر اعتماد
ایرانی فوجی سربراہ نے کہا کہ پاکستان اور ایران کے تعلقات اطمینان بخش ہیں اور دونوں ممالک مختلف شعبوں میں تعاون اور رابطوں کو مزید آگے بڑھا رہے ہیں۔