سندھ اسمبلی ارکان کی تنخواہ ساڑھے 4لاکھ روپے مقرر کرنے کی منظوری

کراچی: سندھ اسمبلی کے ارکان کی تنخواہ ساڑھے 4 لاکھ روپے مقرر کرنے کی منظوری دیدی گئی۔

اسپیکر اویس قادر شاہ کی زیر صدارت سندھ اسمبلی کی خصوصی کمیٹی کا اجلاس ہوا، جس میں وزیر قانون ضیاء الحسن لنجار ، پیپلز پارٹی، ایم کیو ایم ،جماعت اسلامی اور پی ٹی آئی کے حامی ارکان شریک ہوئے۔ تاہم جماعت اسلامی کے محمد فاروق نے تنخواہیں بڑھانے کی مخالفت کی۔

وی نیوز کے مطابق جماعت اسلامی کے رکن اسمبلی محمد فاروق نے کہا ارکان کی تنخواہوں میں 3 لاکھ روپے کا اضافہ عوامی مسائل کے پیش نظر درست فیصلہ نہیں۔جبکہ حامی ارکان کا مؤقف تھا کہ بڑھتی ہوئی مہنگائی کے پیش نظر تنخواہوں میں اضافہ ناگزیر ہے۔