پنجاب حکومت کا 30 ہزار نئی اسکالرشپس دینے کا اعلان

پنجاب حکومت نے وزیر اعلیٰ ہونہار انڈر گریجویٹ اسکالرشپ پروگرام 2025 کے تحت 30 ہزار نئی اسکالرشپس دینے کا اعلان کیا ہے۔

اس پروگرام کے تحت منتخب طلبہ کی مکمل ٹیوشن فیس ادا کی جائے گی تاکہ کم اور متوسط آمدنی والے گھرانوں کے نوجوان اعلیٰ تعلیم حاصل کرسکیں۔ اس اقدام کا مقصد طب، سائنس، آرٹس اور دیگر شعبوں میں نوجوانوں کو اپنی تعلیمی خواہشات پوری کرنے کا موقع دینا ہے۔

اہلیت کے مطابق امیدواروں نے ایف اے، ایف ایس سی یا آئی سی ایس میں کم از کم 70 فیصد نمبر حاصل کیے ہوں، پنجاب کا ڈومیسائل رکھتے ہوں اور ان کے خاندان کی ماہانہ آمدنی ساڑھے تین لاکھ پچاس ہزار روپے سے زائد نہ ہو۔

اسکالرشپ کے لیے درخواست صرف آن لائن پنجاب ہائر ایجوکیشن کمیشن (PHEC) کے پورٹل پر جمع کرائی جا سکتی ہے۔ کاغذی درخواستیں قبول نہیں ہوں گی۔ درخواست جمع کرانے کی آخری تاریخ **15 ستمبر 2025** مقرر کی گئی ہے۔