پاکستان نیشنل شپنگ کارپوریشن کے بیڑے میں دو نئے جہاز شامل

 

پاکستان نیشنل شپنگ کارپوریشن (PNSC) کے بیڑے میں دو افرامیکس ٹینکرز شامل کر دیے گئے، جس کے بعد کارپوریشن کے جہازوں کی تعداد 10 سے بڑھ کر 12 ہو گئی ہے۔

وزیرِ بحری امور محمد جنید انوار چوہدری کو اس حوالے سے پی این ایس سی حکام نے تفصیلی بریفنگ دی۔ اس موقع پر وزیر کا کہنا تھا کہ رواں سال کے اختتام تک بیڑے کو 20 جہازوں تک بڑھانے کا ہدف مقرر کیا گیا ہے۔

انہوں نے مزید بتایا کہ افرامیکس ٹینکرز خام تیل اور پیٹرولیم مصنوعات کی ترسیل کے لیے استعمال ہوں گے، جبکہ پاکستان سالانہ 4.6 ارب ڈالر غیر ملکی شپنگ کمپنیوں کو فریٹ چارجز کی مد میں ادا کرتا ہے۔