بیرسٹر گوہر نے 4 قائمہ کمیٹیوں سے استعفیٰ دے دیا

اسلام آباد: چیئرمین پی ٹی آئی بیرسٹر گوہر نے 4 قائمہ کمیٹیوں سے استعفیٰ دے دیا۔

 بیرسٹر گوہر نے اپنا استعفیٰ اسپیکر قومی اسمبلی کے آفس میں جمع کرایا ہے۔

بیرسٹر گوہر نے قانون و انصاف، انسانی حقوق، آئی ٹی اور ہاؤس بزنس ایڈوائزری سے استعفی دیا۔

دریں اثنا پی ٹی آئی چئیرمین بیرسٹر گوہر نے 18ارکان کے استعفے اسپیکر قومی اسمبلی کو جمع کرا دیے ہیں۔

واضح رہے کہ پی ٹی آئی کے ارکان نے بانی کی ہدایت پر عمل کرتے ہوئے پارلیمنٹ کی تمام کمیٹیوں سے استعفیٰ دینا شروع کردیا ہے، آج کا استعفیٰ سب سے اہم ہے، قبل ازیں متعدد ارکان اپنی اپنی کمیٹوں سے مستعفی ہوچکے ہیں۔