پاکستان کا یو اے ای کو جیت کیلئے 208 رنز کا ہدف

سہ فریقی سیریز کے دوسرے مقابلے میں پاکستان نے متحدہ عرب امارات (یو اے ای) کو 208 رنز کا ہدف دے دیا ہے۔

شارجہ کرکٹ سٹیڈیم میں سہ ملکی سیریز کے دوسرے مقابلے میں پاکستان نے پہلے بیٹنگ کرتے ہوئے مقررہ 20 اوورز میں 10 وکٹوں کے نقصان پر 207 رنز بنائے، اوپنر بلے باز صائم ایوب نے 69 رنز کی عمدہ اننگز کھیلی، حسن نواز 56 رنز بنا کر نمایاں رہے۔

محمد نواز 25 اور فہیم اشرف 16 رنز بنا کر آؤٹ ہوئے، پاکستان کے 7 کھلاڑی ڈبل فگر سکور میں بھی داخل نہیں ہوسکے۔

یو اے ای کے جنید صدیقی اور ساغر خان نے 3،3 وکٹیں اپنے نام کیں جب کہ حیدر علی 2 وکٹیں حاصل کرنے میں کامیاب رہے۔

یاد رہے کہ سہ ملکی سیریز کے پہلے میچ میں پاکستان نے افغانستان کو 39 رنز سے شکست دے کر پوائنٹس ٹیبل پر پہلی پوزیشن حاصل کر رکھی ہے۔