پٹرولیم مصنوعات کی نئی قیمتوں کا اعلان کر دیا گیا

وزارتِ خزانہ کی جانب سے پٹرولیم مصنوعات کی نئی قیمتوں کا اعلان کر دیا گیا ہے۔
نئی جاری کردہ تفصیلات کے مطابق ہائی اسپیڈ ڈیزل اور مٹی کے تیل کی قیمتوں میں کمی کی گئی ہے جبکہ پٹرول کی قیمت میں کوئی تبدیلی نہیں کی گئی۔

ہائی اسپیڈ ڈیزل کی قیمت میں 3 روپے فی لیٹر کمی کے بعد نیا نرخ 269 روپے 99 پیسے فی لیٹر مقرر کیا گیا ہے۔ پٹرول کی قیمت بدستور 264 روپے 61 پیسے فی لیٹر برقرار رکھی گئی ہے۔ اسی طرح مٹی کے تیل کی قیمت میں 1 روپے 46 پیسے فی لیٹر کمی کے بعد اس کی نئی قیمت 176 روپے 81 پیسے فی لیٹر طے کی گئی ہے۔