پنجاب اور خیبر پختونخوا میں اسکول دوبارہ کھل گئے

گرمیوں کی تعطیلات کے بعد پنجاب اور خیبر پختونخوا میں تعلیمی ادارے آج سے کھل گئے ہیں، تاہم سیلاب سے متاثرہ اضلاع میں اسکول بند رہیں گے۔

چنیوٹ میں تمام سرکاری و نجی اسکول 2 ستمبر تک بند رکھنے کا اعلان کیا گیا ہے۔ فیصل آباد کی تحصیل تاندلیانوالہ اور ضلع جھنگ میں سیلابی صورتحال کے باعث 5 ستمبر تک تعلیمی ادارے بند رہیں گے۔

اسی طرح ٹوبہ ٹیک سنگھ کی تحصیل کمالیہ اور پیر محل میں اسکول غیر معینہ مدت کے لیے بند کر دیے گئے ہیں۔