قلات: 32 ایکڑ سے زائد رقبے پر کاشت بھنگ کی فصل تلف

قلات: ضلعی انتظامیہ نے سب ڈویژن منگچر کے علاقوں زرد غلام جان، زرد عبداللہ اور دیگر مقامات پر بھنگ کی کاشت کے خلاف بڑے پیمانے پر آپریشن میں 32 ایکڑ سے زائد رقبے پر کاشت کی گئی بھنگ کی فصل کو مکمل طور پر تلف کردیا۔

رپورٹ کے مطابق بھنگ کی فصل کو تباہ کرنے کے لیے مکینیکل و کیمیکل اسپرے کے ساتھ ساتھ دیسی طریقوں کا بھی استعمال کیا گیا جس کے نتیجے میں 32 ایکڑ سے زائد رقبے کی فصل مکمل طور پر ناکارہ بنا دی گئی۔

ڈپٹی کمشنر جمیل بلوچ نے کہا کہ منشیات ایک ناسور ہے جو نسلوں کو تباہ کر دیتا ہے۔ نوجوان نسل کو منشیات کی لعنت سے بچانا اور ضلع قلات کو منشیات سے پاک کرنا اولین ترجیح ہے۔بھنگ کی کاشت اور منشیات فروشوں کے خلاف بھرپور کارروائیاں جاری رکھی جائیں گی تاکہ معاشرے کو اس لعنت سے نجات دلائی جاسکے۔