سعودی عرب : سگریٹ نوشی پر 4 لاکھ جرمانہ ہوگا

ریاض: سعودی عرب کی وزارت بلدیات اور ہاؤسنگ نے فوڈ سیکٹر میں صحت و حفاظت کے معیار کو یقینی بنانے کے لیے نئے قوانین اور بھاری جرمانوں کا اعلان کیا ہے۔

گلف نیوز کے مطابق وزارت کا کہنا ہے ان اقدامات کا مقصد صارفین کو بہتر سہولیات فراہم کرنا اور غیر معیاری طریقہ کار کو روکنا ہے۔ کھانے کی تیاری کے دوران صفائی کے اصولوں کی خلاف ورزی کرنے والوں پر جرمانے عائد ہوں گے۔ ملازمین اگر ماسک یا سر پر ڈھانپنے کا کور استعمال نہ کریں تو انہیں فی کس 1,000 ریال جرمانہ ادا کرنا ہوگا۔

اسی طرح کام کے دوران تھوکنے یا چہرے کو چھونے پر 2,000 ریال تک جرمانہ عائد کیا جائے گا۔فوڈ آؤٹ لیٹس میں سب سے سخت جرمانہ 5,000 ریال غیر مجاز مقامات پر سگریٹ نوشی کرنے پر لگایا جائے گا۔ فوڈ ڈیلیوری ورکرز اگر سرکاری کمپنی کی وردی نہ پہنیں تو ان پر 500 ریال جرمانہ ہوگا۔

اسی طرح وہ کاروبار جو جمی ہوئی جوس کو تازہ بنا کر پیش کرنے کا جھوٹا دعویٰ کریں گے، انہیں 1,000 ریال تک جرمانہ ادا کرنا ہوگا۔

سعودی حکام کے مطابق یہ اقدامات فوڈ سیفٹی، حفظان صحت اور صارفین کے اعتماد کو یقینی بنانے کے لیے اٹھائے گئے ہیں اور ان پر سختی سے عمل درآمد کیا جائے گا۔